Tamdyazt
azzan ksudan imzzan
adrar d uzaghar nut gid s udar
hat anzar ard ittar adfal art nsndar
igham n karz afulki sul ard iggar
nani anrar yusi antar
nsrut nzdag s tizzar
nasi aqrian ntayk a yamghdar
igam darn ismawn d warrawn
gin irgazen ur isdawen
mac igam adagh yiwi usawen
idard wazzan ig idir
yafd tufan ig arbir idal lghdir
yanni imzzi yusi amadir
iwats afgan ula agadir
ilulad idir inkar babas ar itghir
nan gatas munir nigh samir
gatas badir swat nit d idir
gatas isam waaraben tatum idir
ilulad wazzan iksuden imzzan
yafed argan ibbi akal ar zenzan
yafed ismawen imazighen ur issen tmman
nighed nzan
ula amzruy n sus ula rrif ula zayan
mac irzuyen ur rzan llan ula idukan
ighten ilsa yan iqqaned ayssen is llan
iqqaned ayttef tamagit mqqar nit jlan
had afus d uzru walus
aadaw rat nssus neg arraw nek a sus
nghli d udrar nsnfd inkan aghd iduf kuyan
nrard izrfan ng araw nzyyan
afud gis adif ra k ibbi a yasif
ng yufus zund agwlif ng araw n rif
ng idir tarait art nssilif
tamazight igh dark tga azkkif
nkkin ur t naif
*********************
hmmu amazigh hasnawi
tasafut - aynun 40 - 2004
ⴰⵢⵢⵓⵣ
RépondreSupprimer