ⴷⵔⵓ ⴷⵉⴷⵏⵖ

ⴷⴰⵔⴽ ⴽⵔⴰ ⵜⵇⵙⵉⴷⵜ ⵏⵖ ⴽⵔⴰ ⵏ ⵜⵎⴷⵢⴰⵣⵜ ⵏⵖ ⴽⵔⴰ ⵜⵣⵍⵉⵜ?
ⵜⵔⵉⵜ ⴰⵙ ⵜⵜ ⴷⵉⴷⵏⵖ ⵜⴷⵔⵓⵜ?
ⵣⵎⵎⵉⵎ ⵉⵅⴼ ⵏⵏⴽ ⴳ ⵓⵙⵎⵍ ⵏ ⴱⵍⵓⴳⵔ ⵜⴰⵔⴰⵜ ⵜⵜ .
ⵏⵖ ⴰⵣⵏⴰⵖ ⵜⵜ ⵉⴷ ⵙ ⵉⵎⴰⵢⵍ ⴰⴷ

elhou52000@gmail.com


ⵜⴰⵏⵎⵎⵉⵔⵜ ⴼ ⵓⵣⵔⴰⵢ ⵏⵏⴽ.

27/03/2020

ⵜⵓⵔⵥⵉⵏ

ⵜⵓⵔⵥⵉⵏ


ⵢⴰⵏ ⵡⴰⵙⵙ ⵉⵎⵓⵏ ⵢⴰⵏ ⵓⵙⴰⵍⵎⴰⴷ ⴷ ⵓⵏⵍⵎⴰⴷ ⵏⵏⵙ ⴰⵔ ⵜⵎⵓⵔⵔⵉⵏ ⴳⵔ ⵉⴳⵔⴰⵏ. ⴳ ⵓⵖⴰⵔⴰⵙ ⵏⵏⵙⵏ ⵣⵔⴰⵏ ⴽⵔⴰ  ⵜⵓⵔⵥⵉⵏ ⵜⵉⵇⵇⴱⵓⵔⵉⵏ ⵏⵏ ⵉⴳⴰⵏ ⵜⵉⵏ ⵢⴰ ⵓⵎⴽⵔⴰⵣ .
ⵉⵏⵏⴰ ⵓⵏⵍⵎⴰⴷ:  " ⵎⴰⵅ ⴰⴷ ⵓⵔ ⵏⵙⵙⵏⵜⵍ ⵜⵓⵔⵥⵉⵏ ⴰⴷ ⴰⴼⴰⴷⴷ ⴰⴷ ⵏⵥⵔ ⵎⴰⵏⵎⴽ ⵔⴰ ⵉⵙⴽⵔ ⵓⵎⴽⵔⴰⵣ ⵉⵖ ⵓⵔ ⵢⵓⴼⴰ ⵜⵓⵔⵥⵉⵏ ⵏⵏⵙ?"
ⵉⵔⴰⵔ ⴰⵙ ⵓⵙⴰⵍⵎⴰⴷ:  " ⵓⵔ ⵉⴼⵓⵍⴽⵉ ⴰⴷ ⵜⵜⵚⵚⴰⵜ ⴳ ⵓⵖⵉⵍⵓⴼ ⵏ ⵡⵉⵢⵢⴰⴹ.
ⵎⴰ
 ⴰⴷ ⵓⵔ ⵜⵙⴽⵔⵜ ⵢⴰⵜ ⵜⵖⴰⵡⵙⴰ ⵏⵏⴰ ⵔⴰ ⴽ ⵉⵙⵏⵓⵎⵎⵔⵏ ⴽⵢⵢⵉ ⴷ ⵓⵎⴽⴰⵣ?
ⴰⵙⵉ ⴷ ⵉⵇⵇⴰⵔⵉⴹⵏ ⵜⵙⵔⵙⵜⵉⵏ ⴳ ⵡⴰⵎⵎⴰⵙ ⵏ ⵜⵓⵔⵥⵉⵏ. ⵜⵏⵜⵍⵜ ⵉⵅⴼ ⵏⵏⴽ ⴰⴼⴰⴷⴷ ⴰⴷ ⵜⵥⵔⵜ ⵎⴰ ⵔⴰ ⵉⵙⴽⵔ ⵓⵎⴽⵔⴰⵣ ⵉⵖ ⵢⵓⴼⴰ ⵉⵇⵇⴰⵔⵉⴹⵏ.
ⵜⴰⵙⵡⵉⵏⴳⵎⵜ ⴰⵏⵏ ⵜⵙⵙⵓⵙⵎ ⴰⵏⵍⵎⴰⴷ, ⵉⵙⴽⵔ ⵜⵜ, ⵉⵏⵜⵍ ⵉⵅⴼ ⵏⵏⵙ ⵏⵜⵜⴰⵏ ⴷ ⵓⵙⴰⵍⵎⴰⴷ ⴹⴰⵔⴰⵜ ⵏ ⴽⵔⴰ ⵏ ⵜⴰⴷⴷⴰⴳⵉⵏ.
ⵍⵍⵉⵖ ⴷ ⵢⵓⵛⴽⴰ ⵓⵎⴽⵔⴰⵣ ⵢⴰⴼ ⵏⵏ ⵉⵇⵇⴰⵔⵉⴹⵏ ⴳ ⵜⵓⵔⵥⵉⵏ,  ⵉⵙⵎⴰⵇⵇⵍ ⴳ ⵓⵥⵍⵎⴰⴹ ⵏⵏⵙ ⴷ ⵓⴼⴰⵙⵉ ⵏⵏⵙ ⵓⵔ ⵉⵥⵔⵉ ⴰⵡⴷ ⵢⴰⵏ. ⵉⵙⵔⵙ ⵏⵏ ⵉⵇⵇⴰⵔⵉⴹⵏ ⴳ ⵓⵛⵍⵍⵉⵇ ⵏⵏⵙ, ⵉⵙⴽⵓⵜⵜⵎ ⵉⵍⵎⵎⴰ ⴰⵔ ⵉⵙⵏⵉⵎⵎⵉⵔ ⵔⴱⴱⵉ:
"ⵜⴰⵏⵎⵎⵉⵔⵜ ⴰ ⵔⴱⴱⵉ ⵜⴼⴽⵉⵜ ⵢⵉ ⵉⵇⵇⴰⵔⵉⴹⵏ ⴰⴷ ⴰⵛⴽⵓ ⵜⵙⵙⵏⵜ ⵉⵙ ⵜⵓⴹⵏ ⵜⵎⵖⴰⵔⵜ ⵉⵏⵓ, ⴷ ⵜⴰⵔⵡⴰ ⵏⵓ ⵉⵏⵖⴰⵜⵏ ⵍⴰ
 ⴷ ⵓⵔ ⴷⴰⵔⵙⵏ ⵎⴰⴷ ⵛⵜⵜⴰⵏ"
ⴰⵏⵍⵎⴰⴷ ⵉⵙⵙⵓⵙⵎⵜ ⵎⴰⵢⴰ ⵏⵏ ⴷ ⵏⴳⵉⵏ ⵉⵡⴰⵍⵍⵏ ⵏⵏⵙ ⵙ ⵉⵎⵟⵟⴰⵡⵏ.
ⵉⵏⵏⴰ ⵢⴰⵙ ⵓⵙⴰⵍⵎⴰⴷ: " ⵓⵔ ⴷ ⵎⴽⴰⴷ ⵢⵓⴼ ⵎⴰ ⵜⵔⵉⵜ ⴰ
 ⵜⵙⴽⵔⵜ?"
ⵉⵔⴰⵔ ⴰⵙ ⵓⵏⵍⵎⴰⴷ: " ⵍⵎⴷⵖ ⴰⵙⵙ ⴰⴷ ⵢⴰⵜ ⵜⵖⴰⵡⵙⴰ ⵓⵔ ⵙⴰⵔ ⵜⵜ ⵜⵜⵓⵖ ⴳ ⵜⵓⴷⵔⵜ ⵉⵏⵓ."








ⵢⵓⵔⴰ ⵜⵜ:  ⵍⵃⵓⵙⴰⵢⵏ ⵍⵃⵓ

0 Iwnnitn -ⵉⵡⵏⵏⵉⵜⵏ:

Enregistrer un commentaire

:) :)) ;(( :-) =)) ;( ;-( :d :-d @-) :p :o :>) (o) [-( :-? (p) :-s (m) 8-) :-t :-b b-( :-# =p~ $-) (b) (f) x-) (k) (h) (c) cheer
Click to see the code!
To insert emoticon you must added at least one space before the code.

 
Toggle Footer