ⵜⵓⴹⴼⵉⵜ ⴷ ⵡⵉⵥⵓⴳⵏ
ⵜⴽⴽⴰ ⵜⵜ ⵉⵏ ⵜⵓⴹⴼⵉⵜ ⴷ ⵡⵉⵥⵓⴳⵏ ⴳⴰⵏ ⴰⴹⵊⴰⵔⵏ ⵖ ⵢⴰⵜ ⵜⵎⴰⵣⵉⵔⵜ ⴱⴰⵀⵔⴰ ⵉⵃⵕⵚⵏ. ⵍⵍⴰⵏ ⵡⴰⵎⴰⵏ , ⵜⵉⵍⵉ ⵜⵣⴳⵣⵓⵜ, ⵉⵍⵉⵏ ⵉⵊⴷⴷⵉⴳⵏ ⴷ ⵜⵉⵣⵣⵡⴰ ⴷ ⵓⴼⵔⵟⴻⵟⵟⵓ. ⵜⵓⴹⴼⵉⵜ ⴰⵔ ⴷ ⵜⵏⴽⴽⵔ, ⴰⵔ ⵜⵜⵍⵍⵉ ⵙ ⵎⴰⴷ ⵜⵛⵜⵜⴰ. ⵜⵛⵛ ⵉⵎⵉⴽⴽ, ⵜⵃⴹⵓ ⵉⵎⵉⴽⴽ ⵉ ⵡⵙⵙⴰⵏ ⵏ ⵜⴳⵔⵙⵜ. ⵉⵖ ⵜⵙⵎⴷ ⵜⴰⵡⵡⵓⵔⵉ ⵏⵏⵙ, ⴰⵔ ⵜⵜⵓⵔⴰⵔ ⴷ ⵜⵏⴳⴳⵯⵉⵏ ⵏⵏⵙ.
ⵡⵉⵥⵓⴳⵏ ⵏⵜⵜⴰⵏ, ⴰⵔ ⴷ ⵉⵏⴽⴽⵔ ⵖ ⵜⵓⵥⵥⵓⵎⵜ ⵏ ⵓⵣⴰⵍ ⴰⵔ ⵉⵏⵟⵟⵔ, ⴰⵔ ⵉⵜⵜⵓⵔⴰⵔ. ⵉⵛⵛ ⵜⵉⵔⵎⵜ ⵏⵏⵙ, ⴰⵔ ⴷⴰⵖ ⵉⵏⵟⵟⵔ, ⴰⵔ ⵉⵜⵜⵓⵔⴰⵔ. ⵢⴰⴹⵓ ⴷⴰⵖ ⵙ ⵉⴹⵙ ⵏⵏⵙ.
ⵢⵉⵏⵉ ⴷ ⵉⵅⴼ ⵏⵏⵙ:
ⵢⵉⵏⵉ ⴷ ⵉⵅⴼ ⵏⵏⵙ:
-ⴰⵍⵍⴰⵀ, ⵓⵔ ⵉⵍⵍⵉ ⵎⴰⴷ ⵉⴼⵊⵊⵉⵊⵏ ⵣⵓⵏⴷ ⵏⴽⴽⵉⵏ !
ⵢⴰⵏ ⵡⴰⵙⵙ ⵖ ⵓⵙⵙⴰⵏ ⵏ ⵜⴳⵔⵙⵜ, ⵜⵣⵔⵉ ⵜⵓⴹⴼⵉⵜ ⴼ ⵡⵉⵥⵓⴳⵏ, ⵜⵉⵏⵉ ⵢⴰⵙ:
-ⴰⵣⵓⵍ !
ⵉⵔⵥⵎ ⵡⵉⵥⵓⴳⵏ ⵢⴰⵜ ⵜⵉⵟⵟ, ⵉⵔⴰⵔ ⴰⵙ ⴷ :
-ⵎⴰⵏ ⵜⵉⵣⵉ ⴰ ⵢⴰⴷ ?
-ⵜⵓⵥⵥⵓⵎⵜ ⵏ ⵓⵣⴰⵍ ⴰ ⵢⴰⴷ ⵉⵍⴽⵎⵏ !
ⵉⵏⴽⵔ ⴷ ⵡⵉⵥⵓⴳⵏ ⵖ ⵉⴹⵚ, ⵢⵉⵏⵉ ⵢⴰⵙ :
-ⴰⵇ ⵜⵉⵣⵉ ⵏ ⵜⵉⵔⵎⵜ ⴰ ⵢⴰⴷ !
-ⵜⵖⵥⴰⵏⵜ. ⵎⴰⵛ ⵓⵔ ⴷⴰⵔⴽ ⵎⴰⴷ ⵜⵛⵜⵜⴰⵜ !
-ⵙⵙⵎⴹⵉ ⵉⵢⵉ ⵉⵎⵉⴽ ⵖ ⵜⵉⵔⵎⵜ ⵏⵏⵎ ⴰⵛⴽⵓ ⵃⵎⵍⵖ ⴱⴰⵀⵔⴰ ⵜⴰⴹⴼⵉ ⵏⵏⵙ.
-ⴰⵔ ⴽⴽⴰⵜⵖ ⵜⴰⴽⵔⵔⴰⵢⵜ ⴼ ⵜⵉⵔⵎⵜ ⵉⵏⵓ, ⵉⵎⵎⴰ ⴽⵢⵢⵉ ⵉⵙ ⴰⴽⴰ ⵜⵏⵟⵟⵔⵜ ⴰⵔ ⵜⵜⵓⵔⴰⵔⵜ, ⴰⵔ ⵜⵛⵜⵜⴰⵜ ⴰⵢⵏⵏⴰ ⴽⴰ ⵜⵓⴼⵉⵜ !
-ⵉⵖ ⵉⵢⵉ ⵜⵙⵙⵎⴹⵉⵜ, ⵓⵍⴰ ⵏⴽⴽⵉ ⵔⴰⴷ ⵉⵍⵉⵖ ⵙ ⵜⵡⵡⵓⵔⵉ.
-ⵓⵀⵓⵢ ⵓⵔ ⴰⴽ ⵙⵙⵎⴹⵉⵖ. ⴰⵎⵥ ⴰⵎⵓⴷ ⴰⴷ ⵜⴷⴷⵓⵜ ⴰⴷ ⵜⵉⵍⵉⵜ ⵙ ⵜⵡⵡⵓⵔⵉ ⵏⵏⴽ !
ⵉⴷⴷⵓ ⵡⵉⵥⵓⴳⵏ ⵉⵍⵓⵃ ⴰⵎⵓⴷ ⵍⵍⵉ ⵢⴰⵙ ⵜⴼⴽⴰ ⵜⵓⴹⴼⵉⵜ, ⵉⵎⵓⵜⵔⵜ ⵙ ⵜⵡⵡⵓⵔⵉ ⴰⵢⵍⵍⵉⵖ ⴰⵙ ⵉⴼⴽⴰ ⵎⴰ ⵉⵛⵜⵜⴰ. ⵣⵣⵖ ⴰⵙⵙⴰⵏ ⴰⴷ ⵉⵙⵙⵏ ⴰⵜⵉⴳ ⵏ ⵜⵡⵡⵓⵔⵉ.
-ⵙⵙⵎⴹⵉ ⵉⵢⵉ ⵉⵎⵉⴽ ⵖ ⵜⵉⵔⵎⵜ ⵏⵏⵎ ⴰⵛⴽⵓ ⵃⵎⵍⵖ ⴱⴰⵀⵔⴰ ⵜⴰⴹⴼⵉ ⵏⵏⵙ.
-ⴰⵔ ⴽⴽⴰⵜⵖ ⵜⴰⴽⵔⵔⴰⵢⵜ ⴼ ⵜⵉⵔⵎⵜ ⵉⵏⵓ, ⵉⵎⵎⴰ ⴽⵢⵢⵉ ⵉⵙ ⴰⴽⴰ ⵜⵏⵟⵟⵔⵜ ⴰⵔ ⵜⵜⵓⵔⴰⵔⵜ, ⴰⵔ ⵜⵛⵜⵜⴰⵜ ⴰⵢⵏⵏⴰ ⴽⴰ ⵜⵓⴼⵉⵜ !
-ⵉⵖ ⵉⵢⵉ ⵜⵙⵙⵎⴹⵉⵜ, ⵓⵍⴰ ⵏⴽⴽⵉ ⵔⴰⴷ ⵉⵍⵉⵖ ⵙ ⵜⵡⵡⵓⵔⵉ.
-ⵓⵀⵓⵢ ⵓⵔ ⴰⴽ ⵙⵙⵎⴹⵉⵖ. ⴰⵎⵥ ⴰⵎⵓⴷ ⴰⴷ ⵜⴷⴷⵓⵜ ⴰⴷ ⵜⵉⵍⵉⵜ ⵙ ⵜⵡⵡⵓⵔⵉ ⵏⵏⴽ !
ⵉⴷⴷⵓ ⵡⵉⵥⵓⴳⵏ ⵉⵍⵓⵃ ⴰⵎⵓⴷ ⵍⵍⵉ ⵢⴰⵙ ⵜⴼⴽⴰ ⵜⵓⴹⴼⵉⵜ, ⵉⵎⵓⵜⵔⵜ ⵙ ⵜⵡⵡⵓⵔⵉ ⴰⵢⵍⵍⵉⵖ ⴰⵙ ⵉⴼⴽⴰ ⵎⴰ ⵉⵛⵜⵜⴰ. ⵣⵣⵖ ⴰⵙⵙⴰⵏ ⴰⴷ ⵉⵙⵙⵏ ⴰⵜⵉⴳ ⵏ ⵜⵡⵡⵓⵔⵉ.
0 Iwnnitn -ⵉⵡⵏⵏⵉⵜⵏ:
Enregistrer un commentaire
Click to see the code!
To insert emoticon you must added at least one space before the code.