Ini-yas i yemma!

Ini-yas i yemma!

"Fkiγ tudert-iw d asfel, rran fell-i tibbura.

Ur ẓerreγ iṭij d wedfel, tilelli-w di tsura.

Ini-yas ! Ini-yas i yemma!

Ssugten fell-i tisluqbatin, am yiḍan sseglafen.

Di rregmat d tkerkas ur ğğin, di « creε » s tmettant i d iyi-yeṭṭfen.

Ini-yas ! Ini-yas i yemma!

Xas di lḥebs nnuγniγ, ayen zerεeγ yessegm-d.

Tennerna tutlayt-nneγ, tarwa umaziγ tbedd.

Ini-yas ! Ini-yas i yemma!

- Akken tamaziγt ad tili.

-Akken Tamazγa ad tili.

-Akken Amaziγ ad yili.

Fkiγ tudert-iw d asfel.

Ini-yas ! Ini-yas i yemma"!!!

Asefru yura Smaεil Mejbeṛ deg useggas 1976