IẒILLID - izenzarn

 IẒILLID

Iggut umedlu wala iẓillid

Ggutn waggagn ula usman

Iga-d umedlu tillas, igd unẓar imeṭtawen

Aggagn d wusman ṛreṣas ijiwwi iga takat

Uten axyam bbint, uten mann-gis ufan

Ttuten midden s lɣdert igigilen ar ukan allan

Ameṭta izmit umagus yiliḥ mat-itterḥamen

Aɣaras immenɛa issa s usennan

Anmuddu irufa ɣ tmazirt ɣ llan waman

Izd isiggul wakal ur ran adsul isemɣay ??

Nɣdd amud isul ur ran ad nkern

Atent iḥsen yan urta, lluzant iɣ ifrek

Iɣ lluzant munt labudda man iffal

Atnd isḥsar ljid ɣ lhul isber nit

Ah mlad is urigi ssber ur sar njud !

Iɣ itrem umalu, tifawin is ruḥent

Aradd anjud s wawal f uzmz-ad nfasert

Mas tga ssabt amaẓuẓ ig uzmam amadaɣ

Igliy wasif adrar idalb lbḥer laman

Igad lhul ccbayk ng nekwni iselman

Igd lɣder anemyur igd laman abukaḍ

Iga uccen amksa, ig-asd umksa amessaɣ

Icca uccen amksa, tg aɣ tili taɣuyit

Argaz igat lmal b-ulɛaql iga anewwac

Ig wabir lkenz ig ṭtemɛ aɣaras